Мя̄ндаш моо̄ллдэдмушш

Я пуэресь Мыххкал цӣӆьке мыннӭ: Ла̄ввлэ-дэд ё мунн эм альг, - я со̄нн эльге лыввтъе лэххтас кыррьтэй ӣнэн, мӣлкнесьт, - мушштъюввэм гуэйка; вуэмэш, коххт мунн кӣд ке̄ссьле карандаш гоаррэ, сонн цавьцнэлле выгкэл вӯйвэнҌ я моайнсэшуде: Куллтэл,тоннӭ моайнса, э эй то̄н каранда̄шше! Мяндаш-сарьвэсь ышштэ маӊӊь ю̄лькэ эл я мо̄лдэдэ ӣджь иженӭсь. Я соннэ̄, саррьвсэ, пӯдэ̄ ме̄ххьцла я ышштэ вӯсьт со̄ннэ. Я сыйй э̄лькэнҌ са̄ррнэ.


Мяндаш коарей о̄ллмэ, мушштхэлэ соннэ̄, коххт со̄нн, Мяндаш, ма̄тэ̄т о̄ллмэ коаннҌт эл ме̄ххьтце, ко̄ххт ма̄тэ̄т мисстэгэ сыз луэмнэ, коарсуввнэ кӯсс куэхцмегойм я ца̄гке ыжесь эл пӯдзэ чӯрьвет, я ке̄дҌк туэгга луэмнэ-эйй кусстъехче ме̄ххьцла коаннҌт пӯдзъе. Я эйй бара со̄нн, Мя̄ндаш, пые кӣдде о̄лмье та̄вгк, - со̄н а̄кь я па̄ррнэтҌ поҏтуввэм гуэйкэ? Я эндҌе пэре шӯрр ня̄в: сарьвэсь чӣгрэсь, че̄ххч коаннҌт пӯдзэ чӣгрэсь, - кондэч лышэ эффт а̄ллт пӣрас поҏтуввэм гуэйка, нэ эйй е̄намп тэн, а  сарьвсэ эл че̄ххч чӣггрэсь-кя̄ллта ли (коаннҌтэ сарьвэсь че̄ххч чӣгкрэсь-тэ̄д ли го кӯдтэ̄ чӣгар е̄ррькэха)...
Те̄льнэ мунн ма̄тҌхэ,я тэ̄нн пугк тӣддешь!
А адтҌ олмэ шэнндэ хӣтрэ: коаммал е̄ммьне э̄л, пя̄гк чуэйв альн я эссв айнханна эк ти касьт, я ре̄шшклэгк ёаффэв югге гоарренҌ. КоанҌт пӯдзэ куллэв е̄ӊкрэгк, ноа элля тӣдде ко̄н гоарренҌ со̄н пӯдӭ. Мыйй пэ̄ллэпь поҏтуввэ, мыйй е̄лле пэ̄ллэпь. АдтҌ ме̄ххьцтэй соагкэв э эфт а̄лт, э мудта, я е̄ннэ ва̄льтэв тэсьтшэ эфт тэнн шэ пе̄йвесьт шувв ме̄цесьт. Я сарьвсет а̄ххьтэв, ди че̄ххч чӣгрэсь! Те̄льнэ мунн ма̄тҌхэ то̄н, э̄ллмант не̄шшь?
 Ме̄ххьцла хэс эльге сиййнэ. Эйй шӣххтэй ӣӊкэнэсь, - со̄нн эльге куаррктэ, манҌтэ сон ли хӣтрэ, ижесь удцэгуэйм, ко̄ххт ма̄ххт эссвэ я лэ̄мнэ. Тэнн эл Мяндаш цӣӆӆьке: АдтҌ, куэссь то̄нн эгк аллка шоалшэ сарьвсет я а̄лтэт, Мяндаше па̄ррнат, пуад па̄лль, - я эллинче ме̄хць коанҌт э̄л! Я Мяндаш нуммпэш тэнн о̄ллмье:
АнҌ ме̄хцьлэй шоалшэв коаннҌт аӆтэт я сарьвсет. Ев альг шоалшэ, - пудт сиййе ме̄хць коанҌт э̄л! - ныдтҌ со̄нн цӣӆьке.
Зоабэль, ля̄йй мугка аттъя паль райя, тула ляйй тэ̄дт. А̄е ба̄ль вял, мун а̄джь ля̄йй нӯрр па̄ррьнен, со̄нн мыннӭ э моайнэсь.
Я нышше выййдэ ама, - ев алка шоалшэ коанҌт пӯдзэтҌ, е̄ннэ а̄лтэтҌ та̄ггэв, ев пынь сарьвсет... Я тэль адтҌ элля ме̄ххць коанҌт пӯдзэ э̄л. Уйнах, тэдт со̄н са̄ннҌ ӣллкэсь!

Перевод на саамский Г. А. Власова

Популярные сообщения из этого блога

Семилетний стрелок из лука

Саам - богатырь

Гирвас - озеро