Ё̄ррп ле̄ййп (Колобок)

Ӣленҍ а̄ка я ка̄ллса.
Э̄ххтэшь са̄ррн ка̄ллса аккая: «Воарэдҍ, а̄ка а̄йххьта, поашшэл углэй мӣлльтэ, ваймэгэ я̄ввэт коппчах, я па̄шшьт мэнне Ё̄ррп ле̄ййп».
Воальтэ а̄ка лоннҍт суэйй я поаже, поаже я ко̄ппче я̄вэтҍ кӯххт куэммерь тӣввт.
Вӣрэшҍт ва̄шшьн кӯцц ма̄ййт алльн я поашшьтэ Ё̄ррп ле̄ййп я пыййе чуаццкэ эххкан эл.

Ё̄ррп ле̄ййп ле̄жэ, ле̄жэ, воальтэ я кӣрэс эххкнэстҍ валас шалльт эл уккс луз. Уййтэ уккс туэгка. Тамьпе еткас мӣлльтэ эвтэс элльге чо̄ннэ я чо̄ннэ.
Чуанн Ё̄ррп ле̄ййп чуэкас мӣлльтэ, вуэста со̄ннэ Нюэ̄ммель:«Ё̄ррп ле̄ййп, Ё̄ррп ле̄ййп мунн то̄н по̄ра!»
«Ель по̄рр мӯн, Нюэ̄ммель, мӯнн то̄ннэ ла̄ввл ла̄ввлса:

Мӯнн ля Ё̄ррп ле̄ййп, Ё̄ррп ле̄ййп,
Мӯнн ля углэй мӣлльтэ коппчма,
Ма̄ййт алльн па̄шштма,
Чуаццкта эххкан алльн.
Мӯнн ка̄ллсасҍт ӯййтэ,
Мӯнн аккасҍт ӯййтэ,
То̄ст Нюэ̄ммель коххт вя̄л ӯййта!»
Чо̄ннгудэ Ё̄ррп ле̄ййп эввтэс – Лышшэ Нюэ̄ммель со̄н ӯййнэ.
Чуанн Ё̄ррп ле̄ййп чуэкас мӣлльтэ, вуэста со̄ннэ На̄ввьт:
«Ё̄ррп ле̄ййп, Ё̄ррп ле̄ййп мунн то̄н по̄ра!»
«Ель по̄рр мӯн, На̄ввьт, мӯнн то̄ннэ ла̄ввл ла̄ввлса:
Мӯнн ля Ё̄ррп ле̄ййп, Ё̄ррп ле̄ййп,
Мӯнн ля углэй мӣлльтэ коппчма,
Ма̄ййт алльн па̄шштма,
Чуаццкта эххкан алльн.
Мӯнн ка̄ллсасҍт ӯййтэ,
Мӯнн аккасҍт ӯййтэ,
Мӯнн Нюэ̄ммлесҍт ӯййтэ,
То̄ст На̄ввьт коххт вя̄л ӯййта!»
Чо̄ннгудэ Ё̄ррп ле̄ййп эввтэс – Лышшэ На̄ввьт со̄н ӯййнэ.
Чуанн Ё̄ррп ле̄ййп чуэкас мӣлльтэ, вуэста со̄ннэ Та̄лл:
«Ё̄ррп ле̄ййп, Ё̄ррп ле̄ййп мунн то̄н по̄ра!»
«Ель по̄рр мӯн, Та̄лл, мӯнн то̄ннэ ла̄ввл ла̄ввлса:
Мӯнн ля Ё̄ррп ле̄ййп, Ё̄ррп ле̄ййп,
Мӯнн ля углэй мӣлльтэ коппчма,
Ма̄ййт алльн па̄шштма,
Чуаццкта эххкан алльн.
Мӯнн ка̄ллсасҍт ӯййтэ,
Мӯнн аккасҍт ӯййтэ,
Мӯнн Нюэ̄ммлесҍт ӯййтэ,
Мӯнн На̄ввьтэсҍт ӯййтэ,
То̄ст Та̄лл коххт вя̄л ӯййта!»
Чо̄ннгудэ Ё̄ррп ле̄ййп эввтэс – Лышшэ Та̄лл со̄н ӯййнэ.
Чуанн Ё̄ррп ле̄ййп чуэкас мӣлльтэ, вуэста со̄ннэ Рӣммьн:
«Ё̄ррп ле̄ййп, Ё̄ррп ле̄ййп мунн то̄н по̄ра!»
«Ель по̄рр мӯн, Та̄лл, мӯнн то̄ннэ ла̄ввл ла̄ввлса:
Мӯнн ля Ё̄ррп ле̄ййп, Ё̄ррп ле̄ййп,
Мӯнн ля углэй мӣлльтэ коппчма,
Ма̄ййт алльн па̄шштма,
Чуаццкта эххкан алльн.
Мӯнн ка̄ллсасҍт ӯййтэ,
Мӯнн аккасҍт ӯййтэ,
Мӯнн Нюэ̄ммлесҍт ӯййтэ,
Мӯнн Пальтэ̄сьт ӯййтэ,
Мӯнн Та̄ллэсҍт ӯййтэ,
То̄ст Рӣммьн коххт вя̄л ӯййта!»
Рӣммьн вуэста са̄ррн:
«Манҍтэ мо̄джесь ла̄ввл ли, ё мӯнн нюэзельт кулла. Ё̄ррп ле̄ййп, Ё̄ррп ле̄ййп, ышшт мэ̄нне нюннҍ эл, я ла̄ввлэсҍт ӣннҍенне вя̄л шэшка».
Ё̄ррп ле̄ййп нюччкей со̄ннэ нюннҍ эл я ла̄влэсҍт ӣнн пайя тэ̄нншэ ла̄ввл.
Рӣммьн аввта со̄ннэ са̄ррн:
«Ё̄ррп ле̄ййп, Ё̄ррп ле̄ййп, ышшт мэ̄нне ню̄ххчемь эл, я ла̄ввлэсҍт маӊьмесь вэрр».
Ё̄ррп ле̄ййп нюччкей Рӣммьне ню̄ххчемь эл, я Рӣммьн со̄н – гам! - я по̄рэ.





Популярные сообщения из этого блога

Семилетний стрелок из лука

Саам - богатырь

Гирвас - озеро